如果你地唔想香港歌迷像一盤散沙就入黎啦
hello!! 大家好!!! 我叫Sharon,中文名叫阿靜!!我係香港既力宏Fans
我鍾意左力宏唔係好耐!只不過係短短一年既日子
一年前既某一日下午,我係電台聽到一首歌覺得好好聽,把聲唱得好動人,施律都好動人
聽左一陣覺得把聲好熟,好似好耐之前係邊到聽過咁?!
後尾DJ介紹首歌叫"forever love"唱歌既係王力宏,跟住我感覺到自己由果一刻開始係鍾意左王力宏呢個人!
我從來冇因為聽左一首歌而被一首歌感動!!但呢次我真係感覺到自己被呢首歌感動左,不其然
自己係度問點解歌者可以唱得咁動人?而旋律又可以寫得咁好??
跟住落黎,我開始左去尋找力宏的網站,希望可以認識佢多一d!
當我睇過係歌迷網站上力宏的簡介同歷年所得既獎項後,我完全係覺得好震驚!!???
發覺到佢真係一個天才!!係一個音樂既天才!!而且又擁有咁討好既外表!!9稱得上係一個完美既藝人
果一刻我感覺到我自己真真正正咁鍾意上佢!!
鍾意佢對自己的事業對自己音樂認真既態度,有理想有目標,我覺得呢幾樣野真係好值得我地學習!!!
當今呢個樂壇我覺得真係無一個做到好似佢咁!!!一個有才華有創意,有理想既歌手!!
係上年四月既時候,我知道佢會黎香港做簽唱會,係當日我由屯門坐左好遠路程既車去到將軍澳為左見力宏
後尾自己諗番,自己從來冇試過咁樣做,感覺好似有d瘋狂,我從來都冇試過迷一個歌手而去佢既簽名會
但果次我知道力宏既魅力真係好大!!
但去到我見到歌迷既人數並唔係好多,而且都冇見到一個正式既歌迷會係果度出現!!
之後我去力宏既香港歌迷會既網站睇過,發覺果度d資料好唔update,而且最近既留言板都冇左
又冇任何既方法可以識到更多既歌迷,完全都冇一個歌迷會既感覺!!
相比起大陸既歌迷會,佢地真係做得好好!!!!好團結!好強大!!
所以今日我突然有呢個諗法希望可以係呢到結合多d歌迷同我一齊做好力宏香港既歌迷會
如果你地邊個有興趣加入或者同我一樣有呢個idea既,可以係度留言或者msn 我
sharon_homeboy <-----我既ID
P.S. 希望可以有人肯同我一齊合作啦!! 我只係想有個完整既歌迷會可以大家聚會或者分享下力宏既事
